Berepa ungkapan menghandar sambah
Contoh 1:
Si Alek: Sungguahpun Datuak surang baduo nan ambo imbau, indak disibak jo basisiahkan, bukan dihinggo dibatehkan. Sado nan di junjuang lantai, disungkuik atok, nan saedaran bandua nan di tapi, hakikatnyo kapado kita sado nan hadir dirumah nangko.
Contoh 2:
Si Alek:
Sungguahpun Mak Datuak surang nan di imbau, aratinyo kapado silang nan bapangka, karajo nan bapokok, aratinyo kapado kito nan duduak saparadok, makan sajamba diateh rumah nangko.
Beberapa ungkapan yang dapat digunakan untuk meminta lawan bicara untuk menunggu karena kita perlu barundiang atau mampaiyokan kepada yang lain.
Contoh 1:
Si Alek: Tuah kapado badan diri ambo kini Mak Datuak. Umpamo urang mangayia. Sadang dirintang aie ilea. Gilo dimabuak dek galombang. Iyo di alun-alun guriah. Tali tagang piapuang hilang. Lubuak bariak bapusaran. Kayia disemba dek gurami. Duduak tagak tukang kayia. Joran patah, banang kusuik, umpan lah taserak. Samantaro manjalang banang ka gumpalan. Kato dilatak dalam garih. Mananti Mak Datuak Sakotiko. Dibawok rundiangan ka nan banyak.
Contoh 2:
Si Alek: Mandanga imbauan Mak Datuak tadi, gumanta sagalo batang tubuah, bakipeh paluah ka dado, bakaja darah ka mungko. Pihak dek badan diri ambo wakatu iko kini, basuo bana bak kato urang. Tak ubahnyo umpamo urang ka lauik leba. Kok tagelek sampan kalautan tando angin kancang bana, kok salah pidoman nan ambo pakai tando urang baru balayia.
Contoh 3:
Si Alek: Tuah kapado badan diri ambo pada wakatu iko kini, basuo bana bak kato urang. Tak ubahnyo umpamo joki digalanggang ko mah Mak Datuak. Baa lah umpamo joki di galanggang. Baduduakan dipungguang kudo, dibari cambuk nan sahalai, marentak bapacu lari, tuah jauh cilako ampia. Tetapi satantang aset nan kadibayia, boko nan kaditarimo kan tapacik di tangan induak samang ko mah Mak Datuak. Baliak kapado panyambahan Mak Datuak tadi. Bak umpamo manih alun dapek ambo lulua, kok paik alum bisa ambo muntahkanlai. Batangguah ambo dulu ka Mak Datuak.
Ungkapan untuk mengambil inti pembicaraan atau ujuang kato lawan bicara
Contoh 1:
Si Alek: Sapanjang kato-kato Mak Datuak tadi, ditikam jajak kok cupua, dikilin jaik kok lapeh, di ulang kato kok batimbang. Kini ujuang kato sajo nan ambo ambiak. Nan manjadi buah bana Mak Datuak tadi, kok pinta buliah, kandak balaku, izin babari. Kan baitu bana?
Ungkapan meminta persetujuan berbeda cara
Contoh 1:
Si Alek: Jampang kok kito indak saamalan, cupak panuah gantang balilik, jampang kok tibo aja lullah, badan tabujua di tangah rumah. Takanak lilik nan limo, badan basalimuik kain panjang, baragi putiak ambacang. Tangih urang kampuang barusuah-rusuah, urang nagari ba anduang-anduang, babunyilah tontong tigo-tigo, tabuah musajik manyudahi. Di toleh pandang kalaman, tampaklah urang babondong-bondong, badan nan lalu ka pintu tangah, dijawek dek malin jo ulamo. Badan diosong urang banya, iyo kapandam pakuburan.
Demikian pembahasan tentang Baraja Pasambahan . Semoga dapat menambah pemahamannya tentang Minangkabau,. Kritik dan saran melalui kolom komentar dibawah. Save dan share artikel ini untuk berbagi pengetahuan dengan klik ikon dibawah ini.
Social Media